Ардагерлермен ұмытылмас кездесулер

Екінші дүниежүзілік соғыс адамзат тарихындағы ең үлкен және күрделі соғыс болды. Бұл соғыс Кеңес Одағы халқына Ұлы Отан соғысы болды, адамдар бірлігіп қауіп-қатерге қарсы шықты. Жеңістің бастауы – Кеңес Армиясының сарбаздары мен командирлерінің ерліктері мен батылдығы, тыл еңбеккерлерінің теңдесі жоқ еңбек жолы.

Барлық құрбандықтарға, жан ауруына, қайғы-қасірет пен шығындарға қарамастан, Жеңіс күні - жарқын күн. Бұл күн ешбір іс бекер емес екенін, болашақ адамның қолында екендігін көрсетті. Бұл тарихи күннен жаңадан кері санақ басталды, өйткені еркіндік, бейбітшілік, мүмкіндіктердің жаңа дәуірі келді. Мұның бәрі үшін 73 жыл бойы біз сол соғыс ардагерлеріне алғысымызды білдіреміз!

17-ші сайлау округінде тұратын ардагерлер өз мәслихат депутаты Аман Аюповты ерекше жылумен қарсы алды. Осымен таныс болғандарына үшінші Жеңіс күні болмақ, дәстүр бойынша осы кездесуді күтеді, олар соғыс, шайқастар туралы әңгімелеседі, өмірден өткендерді еске алады, бүгінгі саясат пен экономиканы талқылайды. Бәрі дәл солай болды. Оларды ұмытпағандарына қуанышты, және оларға келетініне бақытты ардагерлер қонақты күлімдеп қарсы алды.

Рзагүл Байкенұлы. 18 қазанда ардагер 95 жасқа толады. 1941 жылы 17 жасында соғысқа шақырылды. Ол барлық дерлік соғысты өтті, Калинин облысында, Рыжов, Великий луг қалаларында, Украинада, Польшада, Венгрияда шайқасты. 1945 жылы Жеңіс орденімен, 1945 жылы Жеңіс медалімен, 1945 жылы Сталин медалімен марапатталған. Қазірде оның бес немересі және тоғыз шөбересі бар.

Кәрібаев Ертөре. Кәрібаев Ертөре Кеңес Армиясы қатарына шақырылған кез 1942 жылдың қазан айынан басталып, ол үшін соғыс 1949 жылғы шілдеде аяқталды. Ол Забайкал өңірінің шекаралық әскери округінде қызмет етті, онда ол жапон милитарист армиясына қарсы соғысқан. Ол 2 дәрежелі «Отан жұлдызы» орденімен, Алманияны жеңгені үшін медальмен, Жапонияны жеңгені үшін медальмен, Тың игергені үшін медальмен, Георгий Жуковтың мерейтойлық медалімен, Алманияны Жеңген мерейтойлық медальдарымен марапатталды.

Смирнов Константин Иванович. Ол Украина бірінші майданында 173 атыс полкінде пулеметші болып шайқасты. 1-ші дәрежелі Отан соғысы орденімен, жауынгерлік еңбегі үшін медальдармен және мерейтойлық медальдармен марапатталған.

Кәрімов Жүнісбек – Астананың байырғы тұрғыны. 1944 жылы ол әскерге шақырылып, дереу сұрапыл шайқастар өтіп жатқан Берлинге жіберілді. Соғыс аяқталғаннан кейін, Авиация мектебін бітіріп, ол ұзақ уақыт бойы ұшақты арнайы техникалық жабдықтау мамандығы бойынша жұмыс атқарды. 1951 жылы өзінің Туған жеріне оралды. Темір жолда 40 жыл жұмыс істеді. «Онда да ұзақ уақыт бойы жібермеді», – деп ардагер күлімсірей сөйледі. Әйелі сөзін бөле: «Енді мен оны ешқайда жібермеймін, балалары, немерелері және шөберелері үшін қуанышпен өмір сүрсін», - деп күледі.

Губина Елена Александровна. Тыл ардагері Губина Елена Александровна 2018 жылғы 18 тамызында 100 жылға толады. Ол дүниеге келіп және өмір бойы осы жерде тұрады. Семеновка ауылында соғыс кезінде тракторшы, моторшы болып жұмыс істеп, бақшаны суарып, жылқышы болған. 1944 жылы әкесі майданнан келіп, Целиноградқа көшті. Теміржол телеграфында жұмыс істеді. Телеграф кеңсесінен зейнетке шыққан.

Депутат Аман Аюпов соғыс жылдардағы істері үшін, соғыстан кейінгі жылдары істеген еңбектері үшін шынайы алғыс сөздерін айтты. Ұлы Жеңістің даңқты шежіресінде майдандас жолдастарынан айырылу қайғы-қасіретін татқан, жүздеген майдан жолының қанды шайқасын өткен, ал тыл еңбеккерлері ауруханалар мен зауыттарда, егін алқабы мен шаруашылықтарда жұмыс істеп, соғыс ауырпашылығында қатал сыннан өткен біздің жерлестеріміз – қазақстандықтардың ерлігінің зор үлесі барын мақтанышпен айтты. Ардагерлерге зор денсаулық және ұзақ ғұмыр тіледі.